KALI NIGRAHA SULADI
ಶ್ರೀ ಮೊದಲಕಲ್ಲು ಶೇಷದಾಸಾರ್ಯ ವಿರಚಿತ (ಗುರುವಿಜಯವಿಟ್ಠಲ ಅಂಕಿತ)
ಕಲಿನಿಗ್ರಹ ಸುಳಾದಿ
ಎಲೆ ಎಲೆ ಪರಮ ದುಷ್ಟನಾದ ಕಲಿಯೆ ನಿನ್ನ
ತಲೆಯ ಮೇಲೆ ಕಾಲು ಇಟ್ಟು ನಡಿವೆ ಸತತ
ಬಲಹೀನನೆಂದು ತಿಳಿದು ನೈಜ ಸ್ವಭಾವದಿಂದ
ಕುಲಗೇಡಿ ಚೇಷ್ಟೆಗಳ ಪ್ರೇರಿಸುವಿ
ಮಲಿನಯುಕ್ತನೆ ನಿನ್ನ ಕರ್ತೃತ್ವ ಎನ್ನ ಮೇಲೆ
ನೆಲೆಯಾಗಿ ನಿಂದಿರದು ಎಂದೆಂದಿಗೆ
ತಿಳಿದು ನೋಡಿಕೋ ಉಭಯ ಅಂಶಾಂಶದಲ್ಲಾಗೆ
ತಲಿಯ ಬಾಗಿದವನೆ ದುರುಳ ನಿನಗೆ
ಬಲವೀರ್ಯನಾದ ಎನ್ನ ಒಡಿಯನ್ನ ಬಲದಿಂದ
ಚಲಿಸದಲೇ ನಿನ್ನ ತೃಣಕೆ ಬಗೆದು
ಕೆಲವು ಶಸ್ತ್ರದಿಂದ ಕೆಲವು ವಾಕ್ಯದಿಂದ
ತಲೆ ಎತ್ತದಂತೆ ಮಾಡಿದ್ದದನು ಮರದೇ
ಮೊಲದಂತೆ ಜರಿದು ಈಗ ಮದೋನ್ಮತ್ತವಾದ
ಬಲದಿಂದ ನಿನ್ನ ಯುಗವೆಂದು ತಿಳಿದು
ಮಲತ ಗರ್ವದಿಂದ ಮಾಯಾ ಮಾಡುವಿ ಸುಜನ -
ಕುಲ ದೂಷಕನೆ ಬಲು ಕುಜನ ಶಿರೋಮಣಿಯೆ
ಬಲಿಗೆ ಬಲಿಯಾದ ಗುರುವಿಜಯವಿಟ್ಠಲರೇಯನ
ಬಲ ಎನಗಿರಲಾಗಿ ಎದುರೇ ನೀನು ॥ 1 ॥
ಮಟ್ಟತಾಳ
ಬಲವುಳ್ಳವನೆಂದು ಬಲು ಗರ್ವದಲಿಂದ
ಬಳಲುವದು ಸಲ್ಲಾ ಲಜ್ಜೆಯನು ತೊರೆದು
ಬಲಯುಕ್ತ ನೀನಾಗೆ ಅಂದಿನ ಕಾಲದಲ್ಲಿ
ಮಲತ ಮಲ್ಲರ ಗಂಡನೆನಿಪರ ಕೈಯಿಂದ
ತಲಿಯ ತುಳಿಸಿಕೊಂಡಿ ಚರಣ ತಳದಿಂದ
ಹಳಿ ಹಳಿ ನಿನ್ನ ಪೌರುಷತನ ಸುಡಲಿ
ಭಳಿರೆ ಭಳಿರೆ ಗುರುವಿಜಯವಿಟ್ಠಲರೇಯನ
ಒಲಿಮೆಯುಳ್ಳವರೆಲ್ಲ ನಿನಗಂಜುವರೇನೊ ॥ 2 ॥
ತ್ರಿವಿಡಿತಾಳ
ಬಲಹೀನ ಮನುಜನೆ ನಿನ್ನ ಕುಹಕ ನಡತಿ ದು -
ರ್ಬಲವಾದವರ ಮೇಲೆ ನಡೆಯು(ವೊ)ವದಲ್ಲದೆ
ಬಲವುಳ್ಳ ಜನರಲ್ಲಿ ನಡೆವೊದಲ್ಲವೆ ಕೇಳೊ
ತಿಳಿದು ನೋಡಿಕೋ ಎನ್ನ ಬಲದ ಮಹಿಮೆ
ಜಲಜ ಜಾಂಡವನ್ನು ಕಲ್ಪಿಸಿ ಸ್ಥಿ -
ತಿ ಲಯ ನೆಲೆಯಾದ ನಿಯಮನ ಜ್ಞಾನಜ್ಞಾನ
ಬಲವದ್ರೂಪವಾದ ಬಂಧ ಮೋಕ್ಷದಿ ಅಷ್ಟ ಪ್ರ -
ಬಲ ಕತೃತ್ವದಿಂದ ದಿವಿಜ ದನುಜಾ -
ವಳಿಗೆ ಶಿಕ್ಷಿಸುವಂಥ ದುಷ್ಟ ಮರ್ದಕನೆನಿಪ
ಜಲಧರಾವರ್ಣ ಕೃಷ್ಣರಾಯ ಎನ್ನ
ಕುಲದೈವವೆನಿಪ ಮತ್ತೆ ಸಖನೆಂದೆನಿಸಿಕೊಂಬ ನಿನ್ನ
ತಲಿಯನೊರಸಿದ ಧೀರ ಭ್ರಾತೃನೆನಿಪ
ಕುಲಗೇಡಿ ನಿನ್ನಂಥ ಕುಹಕರ ಶಿಕ್ಷಿಸುವ
ಬಲಿಯಾದ ದೇವ ಪೂರ್ವೋಕ್ತದಂತೆ
ಬಲವು ಇನಿತು ಇರಲು ನಿನಗಂಜುವದೆಂತೊ
ಸುಳಿಯದಿರು ಯಿತ್ತ ಸೌಖ್ಯವಿಲ್ಲಾ
ಅಲವಬೋಧರ ಪ್ರಿಯ ಗುರುವಿಜಯವಿಟ್ಠಲರೇಯ
ತಲಿಯ ಮೇಲಿಪ್ಪ ಛತ್ರದಂತೆ ಕಾಯ್ವಾ ॥ 3 ॥
ಅಟ್ಟತಾಳ
ಬಲವೈರಿ ಎನ್ನಯ ಜನಕನೆಲೊ ಕೇಳು ಅ -
ಖಿಳ ಸುಮನಸರು ಎನಗೆ ಸಹಾಯರೆಲೊ
ಖಳ ಕುಲಮಣಿ ನಿನ್ನ ನೈಜ ವ್ಯಾಪಾರವ
ಬಲ ನಡಿಯದಲೊ ಕಲ್ಪಾಂತ್ಯದಲ್ಲ್ಯಾಗಿ
ಖಳದರ್ಪ ಭಂಜನ ಗುರುವಿಜಯವಿಟ್ಠಲನ್ನ
ಬಲದಿಂದ ನಿನ್ನಯ ತಲಿಯ ಕುಟ್ಟುವೆನೊ ॥ 4 ॥
ಆದಿತಾಳ
ಕಾಲನಾಮಕ ಭಗವಂತನ ಇಚ್ಛಿಯಿಂದ
ಮೂಲ ಕಾರಣವಾದ ಅನಾದಿ ಕರ್ಮದಿಂದ
ಪಾಲಕನಾದ ಹರಿ ಪರಾಙ್ಮುಖನಾಗುತಿರೆ
ಇಳಿಯೊಳು ಜನಿಸಿದಾಗ ಪೂರ್ವೋಕ್ತವಾದ ಬಲ
ತೊಲಗಿಪ್ಪ ಕಾಲದಲ್ಲಿ ಇದೆ ಇದೆ ಸಮಯವೆಂದು
ಖಳ ಕುಲಮಣಿ ನಿನ್ನ ಕುಹಕದ ನಡತೆಯಿಂದ
ಮೇಲಾದ ಸುಖಗಳ ಅಪಹಾರ ಮಾಳ್ಪನೆಂದು
ಬಲು ಮೋದದಿಂದ ನೀನು ಹಿಗ್ಗುವದು ಸಲ್ಲಾ
ಕಾಲಕ್ಲಿಪ್ತ ನಂತರ ಹರಿ ಕೃಪೆಯಿಂದ ಎನ್ನ
ಆಳಾಗಿ ನೀನೆ ಉಂಬಿ ಕಲಿಕೃತ ಕಲ್ಮಷದಿ
ಆಲೋಚನೆ ಇದಕ್ಕಿಲ್ಲ ಇದು ಸತ್ಯ ಇದು ಸತ್ಯ
ಶ್ರೀ ಲಲನಿಯ ಪ್ರಿಯ ಗುರುವಿಜಯವಿಟ್ಠಲನ್ನ
ಆಳುಗಳಂಜೊವರೆ ನಿನಗೆಂದಿಗಾದರು ॥ 5 ॥
ಜತೆ
ಕಂಟಕಾರಿಯ ಮೆಟ್ಟಿ ನಿನ್ನ ಎದಿಯ ತುಳಿವೆ ನಿ -
ಕಲಿನಿಗ್ರಹ ಸುಳಾದಿ
ಎಲೆ ಎಲೆ ಪರಮ ದುಷ್ಟನಾದ ಕಲಿಯೆ ನಿನ್ನ
ತಲೆಯ ಮೇಲೆ ಕಾಲು ಇಟ್ಟು ನಡಿವೆ ಸತತ
ಬಲಹೀನನೆಂದು ತಿಳಿದು ನೈಜ ಸ್ವಭಾವದಿಂದ
ಕುಲಗೇಡಿ ಚೇಷ್ಟೆಗಳ ಪ್ರೇರಿಸುವಿ
ಮಲಿನಯುಕ್ತನೆ ನಿನ್ನ ಕರ್ತೃತ್ವ ಎನ್ನ ಮೇಲೆ
ನೆಲೆಯಾಗಿ ನಿಂದಿರದು ಎಂದೆಂದಿಗೆ
ತಿಳಿದು ನೋಡಿಕೋ ಉಭಯ ಅಂಶಾಂಶದಲ್ಲಾಗೆ
ತಲಿಯ ಬಾಗಿದವನೆ ದುರುಳ ನಿನಗೆ
ಬಲವೀರ್ಯನಾದ ಎನ್ನ ಒಡಿಯನ್ನ ಬಲದಿಂದ
ಚಲಿಸದಲೇ ನಿನ್ನ ತೃಣಕೆ ಬಗೆದು
ಕೆಲವು ಶಸ್ತ್ರದಿಂದ ಕೆಲವು ವಾಕ್ಯದಿಂದ
ತಲೆ ಎತ್ತದಂತೆ ಮಾಡಿದ್ದದನು ಮರದೇ
ಮೊಲದಂತೆ ಜರಿದು ಈಗ ಮದೋನ್ಮತ್ತವಾದ
ಬಲದಿಂದ ನಿನ್ನ ಯುಗವೆಂದು ತಿಳಿದು
ಮಲತ ಗರ್ವದಿಂದ ಮಾಯಾ ಮಾಡುವಿ ಸುಜನ -
ಕುಲ ದೂಷಕನೆ ಬಲು ಕುಜನ ಶಿರೋಮಣಿಯೆ
ಬಲಿಗೆ ಬಲಿಯಾದ ಗುರುವಿಜಯವಿಟ್ಠಲರೇಯನ
ಬಲ ಎನಗಿರಲಾಗಿ ಎದುರೇ ನೀನು ॥ 1 ॥
ಮಟ್ಟತಾಳ
ಬಲವುಳ್ಳವನೆಂದು ಬಲು ಗರ್ವದಲಿಂದ
ಬಳಲುವದು ಸಲ್ಲಾ ಲಜ್ಜೆಯನು ತೊರೆದು
ಬಲಯುಕ್ತ ನೀನಾಗೆ ಅಂದಿನ ಕಾಲದಲ್ಲಿ
ಮಲತ ಮಲ್ಲರ ಗಂಡನೆನಿಪರ ಕೈಯಿಂದ
ತಲಿಯ ತುಳಿಸಿಕೊಂಡಿ ಚರಣ ತಳದಿಂದ
ಹಳಿ ಹಳಿ ನಿನ್ನ ಪೌರುಷತನ ಸುಡಲಿ
ಭಳಿರೆ ಭಳಿರೆ ಗುರುವಿಜಯವಿಟ್ಠಲರೇಯನ
ಒಲಿಮೆಯುಳ್ಳವರೆಲ್ಲ ನಿನಗಂಜುವರೇನೊ ॥ 2 ॥
ತ್ರಿವಿಡಿತಾಳ
ಬಲಹೀನ ಮನುಜನೆ ನಿನ್ನ ಕುಹಕ ನಡತಿ ದು -
ರ್ಬಲವಾದವರ ಮೇಲೆ ನಡೆಯು(ವೊ)ವದಲ್ಲದೆ
ಬಲವುಳ್ಳ ಜನರಲ್ಲಿ ನಡೆವೊದಲ್ಲವೆ ಕೇಳೊ
ತಿಳಿದು ನೋಡಿಕೋ ಎನ್ನ ಬಲದ ಮಹಿಮೆ
ಜಲಜ ಜಾಂಡವನ್ನು ಕಲ್ಪಿಸಿ ಸ್ಥಿ -
ತಿ ಲಯ ನೆಲೆಯಾದ ನಿಯಮನ ಜ್ಞಾನಜ್ಞಾನ
ಬಲವದ್ರೂಪವಾದ ಬಂಧ ಮೋಕ್ಷದಿ ಅಷ್ಟ ಪ್ರ -
ಬಲ ಕತೃತ್ವದಿಂದ ದಿವಿಜ ದನುಜಾ -
ವಳಿಗೆ ಶಿಕ್ಷಿಸುವಂಥ ದುಷ್ಟ ಮರ್ದಕನೆನಿಪ
ಜಲಧರಾವರ್ಣ ಕೃಷ್ಣರಾಯ ಎನ್ನ
ಕುಲದೈವವೆನಿಪ ಮತ್ತೆ ಸಖನೆಂದೆನಿಸಿಕೊಂಬ ನಿನ್ನ
ತಲಿಯನೊರಸಿದ ಧೀರ ಭ್ರಾತೃನೆನಿಪ
ಕುಲಗೇಡಿ ನಿನ್ನಂಥ ಕುಹಕರ ಶಿಕ್ಷಿಸುವ
ಬಲಿಯಾದ ದೇವ ಪೂರ್ವೋಕ್ತದಂತೆ
ಬಲವು ಇನಿತು ಇರಲು ನಿನಗಂಜುವದೆಂತೊ
ಸುಳಿಯದಿರು ಯಿತ್ತ ಸೌಖ್ಯವಿಲ್ಲಾ
ಅಲವಬೋಧರ ಪ್ರಿಯ ಗುರುವಿಜಯವಿಟ್ಠಲರೇಯ
ತಲಿಯ ಮೇಲಿಪ್ಪ ಛತ್ರದಂತೆ ಕಾಯ್ವಾ ॥ 3 ॥
ಅಟ್ಟತಾಳ
ಬಲವೈರಿ ಎನ್ನಯ ಜನಕನೆಲೊ ಕೇಳು ಅ -
ಖಿಳ ಸುಮನಸರು ಎನಗೆ ಸಹಾಯರೆಲೊ
ಖಳ ಕುಲಮಣಿ ನಿನ್ನ ನೈಜ ವ್ಯಾಪಾರವ
ಬಲ ನಡಿಯದಲೊ ಕಲ್ಪಾಂತ್ಯದಲ್ಲ್ಯಾಗಿ
ಖಳದರ್ಪ ಭಂಜನ ಗುರುವಿಜಯವಿಟ್ಠಲನ್ನ
ಬಲದಿಂದ ನಿನ್ನಯ ತಲಿಯ ಕುಟ್ಟುವೆನೊ ॥ 4 ॥
ಆದಿತಾಳ
ಕಾಲನಾಮಕ ಭಗವಂತನ ಇಚ್ಛಿಯಿಂದ
ಮೂಲ ಕಾರಣವಾದ ಅನಾದಿ ಕರ್ಮದಿಂದ
ಪಾಲಕನಾದ ಹರಿ ಪರಾಙ್ಮುಖನಾಗುತಿರೆ
ಇಳಿಯೊಳು ಜನಿಸಿದಾಗ ಪೂರ್ವೋಕ್ತವಾದ ಬಲ
ತೊಲಗಿಪ್ಪ ಕಾಲದಲ್ಲಿ ಇದೆ ಇದೆ ಸಮಯವೆಂದು
ಖಳ ಕುಲಮಣಿ ನಿನ್ನ ಕುಹಕದ ನಡತೆಯಿಂದ
ಮೇಲಾದ ಸುಖಗಳ ಅಪಹಾರ ಮಾಳ್ಪನೆಂದು
ಬಲು ಮೋದದಿಂದ ನೀನು ಹಿಗ್ಗುವದು ಸಲ್ಲಾ
ಕಾಲಕ್ಲಿಪ್ತ ನಂತರ ಹರಿ ಕೃಪೆಯಿಂದ ಎನ್ನ
ಆಳಾಗಿ ನೀನೆ ಉಂಬಿ ಕಲಿಕೃತ ಕಲ್ಮಷದಿ
ಆಲೋಚನೆ ಇದಕ್ಕಿಲ್ಲ ಇದು ಸತ್ಯ ಇದು ಸತ್ಯ
ಶ್ರೀ ಲಲನಿಯ ಪ್ರಿಯ ಗುರುವಿಜಯವಿಟ್ಠಲನ್ನ
ಆಳುಗಳಂಜೊವರೆ ನಿನಗೆಂದಿಗಾದರು ॥ 5 ॥
ಜತೆ
ಕಂಟಕಾರಿಯ ಮೆಟ್ಟಿ ನಿನ್ನ ಎದಿಯ ತುಳಿವೆ ನಿ -
ಷ್ಕಂಟಕ ಗುರುವಿಜಯವಿಟ್ಠಲನ್ನ ಕೃಪೆಯಿಂದ ॥
Comments
Post a Comment